Oliy ta’lim quyidagi asosiy vazifalarni bajaradi: yuqori malakali mutaxassislar tayyorlash, fan, texnika va madaniyatni rivojlantirish hamda ijtimoiy taraqqiyotga ko‘maklashish. Maqolada hujjatli va tegishli manbalari asosida 1992–2022 yillar davomida Xitoyda oliy ta’lim tizimini isloh qilish jarayoni va uning institutlari tomonidan amalga oshirilgan sa’y-harakatlar tahlil qilinadi. Oliy ta’lim muassasalari soni va talabalar kontingentining o‘sish dinamikasi ochib berilib, mazkur jarayonning o‘ziga xos jihatlari va murakkabliklari qayd etiladi. Oliy ta’limni isloh qilish bosqichlari ajratib ko‘rsatiladi va ularning mazmuni yoritiladi, shuningdek, Xitoyning tayanch universitetlarni shakllantirish va yangi akademik fanlarni joriy etish borasidagi sa’y-harakatlari (“211- loyiha”, “985-loyiha”, “Double First Class Project” ta’kidlanadi.