Ushbu maqolada boshlang‘ich sinflarda o‘qish va ona tili darsliklari o‘quvchi tafakkurini shakllantiruvchi muhim didaktik vosita sifatida talqin etiladi. Darslikdagi matn, savol va topshiriqlar tizimi o‘quvchini oddiy o‘qishdan chuqur anglashga, anglashdan tahlilga, tahlildan esa mustaqil va tanqidiy fikr yuritishga olib boruvchi bosqichma-bosqich jarayon sifatida ilmiy asosda yoritiladi. Rasm asosida hikoya tuzish, so‘zlardan gap va maqol yaratish, muammoli vaziyatlarni tahlil qilish kabi mashqlar tafakkur faolligini oshiruvchi mexanizm sifatida baholanadi. Integratsiyalashgan darsliklar tajribasi asosida mustaqil fikrlashni rivojlantirishning samarali metodik yo‘llari taklif etiladi.