Mazkur maqolada ta’lim tojik tilida olib boriladigan maktablarda o‘quvchilarning nutqiy va lingvistik kompetensiyalarini rivojlantirish masalalari Jim Cumminsning bilingvizm nazariyasiga tayanilgan holda tadqiq etiladi. Xususan, BICS (Basic Interpersonal Communicative Skills –kundalik muloqot ko‘nikmalari) va CALP (Cognitive Academic Language Proficiency – kognitiv akademik tilni egallash darajasi) tamoyillari asosida tojik tilli o‘quvchilarning tabiiy-ijtimoiy muhitda shakllangan nutqiy ko‘nikmalari tahlil qilingan. Maqolada amaldagi o‘quv dasturlari va darsliklarda ushbu kompetensiyalarning aks etishi, shuningdek, lingvistik kompetensiyani shakllantirishda o‘quvchilarning mavjud nutqiy tajribasidan samarali foydalanish metodologiyasi yoritib berilgan.