Mazkur maqolada bo‘lajak ingliz tili o‘qituvchilarining madaniyatlararo muloqot kompetensiyasini rivojlantirish masalasi aksiologik yondashuv asosida tahlil qilinadi. Tadqiqotda madaniyatlararo muloqot kompetensiyasining qadriyatlar bilan uzviy bog‘liqligi ochib berilib, ingliz tili o‘qituvchilarini tayyorlash jarayonida qo‘llanilishi mumkin bo‘lgan didaktik strategiyalar asoslab beriladi. Olib borilgan tadqiqot natijalari shuni ko‘rsatadiki, aksiologik yondashuv ta’lim jarayonida tolerantlik, madaniy empatiya va qadriyatlarga hurmatni shakllantirish orqali bo‘lajak o‘qituvchilarning kasbiy kompetentligini oshirishga xizmat qiladi. Maqola natijalari oliy ta’lim muassasalarida chet tillarni o‘qitish metodikasini takomillashtirishda amaliy ahamiyatga ega.