Mazkur maqolada ta'lim jarayonida muqoyasa usulining o‘rni va ahamiyati ilmiy� pedagogik nuqtai nazardan tahlil etiladi. Muqoyasa usuli bilimlarni qayta ishlash qobiliyatini rivojlantirishda muhim metodologik vosita sifatida ko‘rib chiqiladi. Maqolada muqoyasa usulining ta'riflari, uning ta'limiy faoliyatdagi vazifalari va amaliy qo‘llanilish shakllari keng yoritilgan. Shuningdek, oliy ta'lim muassasalarida va maktabgacha ta'lim tashkilotlarida muqoyasa usulini qo‘llashning samaradorligini oshirish yo‘llari taklif etilgan. Tadqiqot natijalari shuni ko‘rsatadiki, muqoyasa usulidan tizimli foydalanish talabalarda va o‘quvchilarda analitik fikrlash, tanqidiy baholash hamda bilimlarni mustaqil sintez qilish ko‘nikmalarini sezilarli darajada oshiradi. Bundan tashqari, muqoyasa usulining zamonaviy raqamli ta'lim vositalari bilan integratsiyasi alohida o‘rganilgan bo‘lib, bu orqali ta'lim samaradorligini yanada kuchaytirish imkoniyatlari ochib berilgan. Pedagogik amaliyotdan olingan misollar va tahlillar orqali muqoyasa usulining ta'lim-tarbiya jarayoniga ijobiy ta'siri empirik ma'lumotlar asosida asoslab berilgan.