Ushbu maqolada inklyuziv ta’lim tushunchasining nazariy asoslari, uning mohiyati hamda imkoniyati cheklangan bolalar ta’lim-tarbiyasidagi ijtimoiy ahamiyati ilmiy jihatdan tahlil etilgan. Inklyuziv ta’lim zamonaviy ta’lim tizimining muhim yo‘nalishlaridan biri bo‘lib, har bir bolaning, jumladan, jismoniy, aqliy yoki psixologik rivojlanishida muayyan cheklovlari bo‘lgan shaxslarning ham teng huquqli ta’lim olish imkoniyatini ta’minlashga xizmat qiladi. Maqolada inklyuziv ta’limning asosiy tamoyillari, uning jamiyatdagi ijtimoiy integratsiyani kuchaytirishdagi o‘rni, shuningdek, imkoniyati cheklangan bolalarning shaxs sifatida kamol topishi, mustaqil hayotga tayyorlanishi va ijtimoiy faolligini oshirishdagi ahamiyati yoritilgan. Tadqiqot jarayonida milliy va xorijiy ilmiy manbalarga tayanilgan holda inklyuziv ta’limni rivojlantirishning pedagogik, ijtimoiy va psixologik jihatlari ochib berilgan.