Ushbu maqolada bo‘lajak ingliz tili o‘qituvchilarini tayyorlash jarayonida milliy va umummadaniy kompetensiyalarni takomillashtirishning ilmiy-metodik asoslari hamda innovatsion yondashuvlari yoritiladi. Globalizatsiya sharoitida xorijiy til o‘qituvchilari nafaqat lingvistik savodxonlikka, balki o‘z milliy madaniyatini anglash, boshqa xalqlarning madaniy qadriyatlarini tushunish va muloqot jarayonida moslashuvchanlik ko‘nikmalariga ega bo‘lishi zarurligi asoslab beriladi. Tadqiqotda zamonaviy pedagogik texnologiyalar – mediaresurslar, raqamli ta’lim platformalari, madaniyatlararo muloqotni rivojlantiruvchi interaktiv metodlar qo‘llashning samaradorligi tahlil qilingan. Shuningdek, ingliz tili darslarida milliy va umummadaniy kompetensiyalarni integratsiyalashgan holda shakllantirish modeli taklif etilgan.