BO‘LAJAK PEDAGOGLARNI O‘QUVCHILARDA SOG‘LOM TURMUSH TARZINI SHAKLLANTIRISHGA O‘RGATISH METODIKASINI TAKOMILLASHTIRISH

Mazkur maqolada bo‘lajak pedagoglarni o‘quvchilarda sog‘lom turmush tarzini shakllantirishga o‘rgatish metodikasini takomillashtirish masalalari tahlil qilinadi. Globallashuv va raqamli taraqqiyot sharoitida axborot-kommunikatsiya texnologiyalarining ta’lim jarayoniga joriy etilishi sog‘lom hayot madaniyatini rivojlantirishda muhim omil sifatida baholanadi. Tadqiqot doirasida 91 nafar talaba o‘rtasida o‘tkazilgan so‘rovnoma asosida ularning sog‘lom turmush tarziga munosabati, metodik tayyorgarligi hamda zamonaviy pedagogik texnologiyalardan foydalanish ko‘nikmalari o‘rganildi. Natijalar respondentlarning aksariyati ushbu yo‘nalishda o‘zini tayyor deb hisoblashini ko‘rsatdi, biroq ayrim talabalarda amaliy va metodik tajriba yetishmasligi aniqlandi. Olingan ma’lumotlar asosida amaliy mashg‘ulotlarni ko‘paytirish, trening va seminarlarni tashkil etish, raqamli resurslardan foydalanish hamda fanlararo integratsiyani kuchaytirish metodikani takomillashtirishning ustuvor yo‘nalishlari sifatida belgilandi. Tadqiqot natijalari bo‘lajak pedagoglarni sog‘lom turmush tarzini targ‘ib etishga tayyorlashda innovatsion yondashuv va nazariya� amaliyot integratsiyasini rivojlantirish zarurligini tasdiqlaydi.