Maqolada dual ta’lim tizimini tarixi, rivojlanishi va ahamiyati haqida ma’lumotlar berilgan. Shu sohada ilmiy izlanish olib borgan chet olimlari va o‘zbek olimlari ilmiy asarlari tahlil qilingan. Pedagoglarni tayyorlashda dual ta’lim tizimini ahamiyati va kasbiy kompetensiyani shakllanishdagi kamchiliklarga to‘xtalib o‘tilgan bo‘lib, bu kamchiliklarni dual ta’lim tizimi orqali bartaraf etish bo‘yicha tavsiyalarga to‘xtalib o‘tilgan. Dual ta’limni bo‘lajak o‘qituvchilarni tayyorlashdagi ahamiyati nazariy yoritib berilib, bevosita tavsiyalar ishlab chiqilgan. Dual ta’lim tizimi bo‘lajak pedagoglarni nazariy bilim va amaliy ko‘nikmalar bilan birgalikda tayyorlash, kasbiy kompetensiyalarni rivojlantirish va mehnat bozori talablariga moslashuvchan tayyorgarlikni ta’minlash imkoniyatlarini o‘rganadi. Shuningdek, maqolada dual ta’lim tizimining pedagogik yondashuvlari, kompetensiyaviy model asosidagi tayyorgarlik, amaliyot va mentorlik tizimining pedagoglar malakasini oshirishdagi roli keng yoritiladi. Bu orqali ilmiy asoslangan tavsiyalar ishlab chiqilib, O‘zbekiston sharoitida bo‘lajak pedagoglarni tayyorlash sifatini oshirishga hissa qo‘shish ko‘zda tutilgan.