Maqolada ilmiy matnning pragmatik parametrлари kontekst, modallik, nutq subyekti va kommunikativ intensiya kategoriyalari bilan o‘zaro bog‘liqlikda ko‘rib chiqiladi. Tadqiqotda pragmatik omillar ilmiy diskursning funksional-uslubiy hamda janr jihatidan differensiyalanishining muhim asoslaridan biri ekanligi asoslab beriladi. Shuningdek, janr funksional uslubning kognitiv-pragmatik amalga oshish shakli sifatida talqin qilinib, u kommunikativ maqsadning aniqlashuvi va matnda muallif pozitsiyasining tartibga solinishini ta’minlashi ko‘rsatib beriladi. Maqolada obyektiv va subyektiv modallik o‘rtasidagi munosabat hamda ilmiy nutqda gipotetiklikning janr hosil qiluvchi omil sifatidagi roli alohida tahlil qilinadi.