Ushbu maqolada oliy ta’lim muassasalarida ilmiy tadqiqot natijalarini amaliyotga joriy etish mexanizmlarini takomillashtirish masalalari yoritilgan hamda tahlil qilingan. Ilmiy tadqiqotlar va innovatsion faoliyatning nazariy asoslari yoritilib, universitetlarda yaratilayotgan ilmiy ishlanmalarning ishlab chiqarish va ijtimoiy sohalarga tatbiq etilish jarayonidagi mavjud muammolar ko‘zdan kechirilgan. Shuningdek, universitet–sanoat–davlat hamkorligini kuchaytirish, innovatsion infratuzilmani rivojlantirish, ilmiy natijalarni tijoratlashtirish jarayonini takomillashtirish hamda samarali boshqaruv mexanizmlarini joriy etish bo‘yicha taklif va tavsiyalar ishlab chiqilgan. Tadqiqotning natijalari oliy ta’lim tizimida innovatsion jarayon samaradorligini oshirishga xizmat qiladi.