Badiiy matnlar til va tafakkur o‘rtasidagi munosabatni konseptual darajada aks ettiruvchi muhim diskurs maydonidir. Mazkur tezisda ushbu diskurs doirasida “adolat” konseptining kognitiv-pragmatik mazmuni va uning konseptosferadagi o‘rni tahlil qilinadi. Tadqiqotda “adolat” konsepti syujet va konfliktni tashkil etuvchi markaziy semantik birlik sifatida talqin etilib, uning normativ, baholovchi, jazolovchi va axloqiy komponentlari aniqlanadi. Shuningdek, adolatning muvozanat, sud, yo‘l va jazo metaforalari orqali konseptualizatsiya qilinishi ko‘rsatib beriladi. Tahlil natijalari “adolat” konseptining konseptosferaviy jihatdan universal bo‘lib, badiiy diskurslarda madaniy xususiyatlarga mos holda namoyon bo‘lishini tasdiqlaydi.