Mazkur maqolada tilshunoslikda “bo‘shliq” ma’nosini anglatuvchi lakuna tushunchasi lingvistik birlik sifatida ko‘rib chiqiladi va uning turli tillardagi talqini tahlil etiladi. Lakuna muayyan til yoki madaniyatda mavjud bo‘lgan, biroq boshqa tillar yoki madaniyatlarda to‘liq muqobili mavjud bo‘lmagan semantik, pragmatik yoki kulturologik komponentlarni ifodalovchi birlikdir. Maqolada lakunalarning tasnifi (leksik, grammatik, pragmatik, kulturologik va stilistik lakunalar), ularni aniqlash usullari (qiyosiy tahlil, korpus tadqiqotlari, tarjima amaliyoti), shuningdek, lakunalarning ichki va tillararo namoyon bo‘lishi masalalari yoritilgan.