Mazkur maqolada XX asr boshlaridagi o‘zbek jadid adabiyotida milliy uyg‘onish g‘oyasining badiiy talqini tahlil qilinadi. Jadid adabiyoti namoyandalari ijodida ma’rifatparvarlik, istiqlol g‘oyasi, milliy o‘zlikni anglash, ijtimoiy islohotlar masalasi badiiy-estetik mezonlar asosida yoritilgan. Tadqiqotda tarixiy-qiyosiy, tipologik, germenevtik hamda matnshunoslik metodlaridan foydalanildi. Xususan, Abdulla Avloniy, Abdurauf Fitrat, Mahmudxo‘ja Behbudiy va Cho‘lpon asarlarida milliy uyg‘onish konsepsiyasining badiiy ifodasi ochib berildi. Maqolada jadid adabiyotining g‘oyaviy-badiiy xususiyatlari, uning milliy tafakkur taraqqiyotidagi o‘rni ilmiy asosda tahlil qilindi