mazkur maqolada “Boburnoma” asarida manzara tasvirlarining yaratilishida til omilining o‘ziga xos xususiyatlari ilmiy jihatdan tahlil qilinadi. Tadqiqotda Zahiriddin Muhammad Boburning manzaralar yaratishda qo‘llagan leksik, sintaktik va uslubiy vositalari atroflicha yoritiladi. Xususan, qisqa va aniq jumlalar, sodda, ravon bayon usuli, ortiqcha jimjimadorlikdan xoli tasvir tamoyili, realistik va xolis kuzatuvga asoslangan ifoda shakllari manzara tasvirining tabiiyligi va hayotiyligini ta’minlovchi asosiy omillar sifatida ko‘rsatib beriladi