Mazkur tezis Sharq poetikasida ramz va allegoriyaning tarixiy shakllanish bosqichlari hamda ularning badiiy-estetik funksiyalarini yoritishga bag‘ishlangan. Tadqiqotda qadimgi hind, forsiy-turkiy va islomiy adabiy manbalar misolida ramz va allegoriyaning axloqiy, falsafiy, diniy hamda ijtimoiy mazmun tashuvchi poetik vosita sifatida shakllanishi tahlil qilinadi. Shuningdek, jadid adabiyoti va mustaqillik davri o‘zbek adabiyotida ramz va allegoriyaning ijtimoiy tanqid, milliy ong va falsafiy mushohada ifodasidagi o‘rni ochib beriladi