Mazkur maqolada ingliz va o‘zbek xalq og‘zaki ijodida hajviy ertaklarni tasniflash bilan bog‘liq nazariy va metodologik muammolar qiyosiy jihatdan tahlil qilinadi. Tadqiqotda hajviy ertaklarning janr xususiyatlari, ularning maishiy ertak, latifa va satirik rivoyatlar bilan chegaradosh jihatlari yoritiladi. Ingliz va o‘zbek folklor an’analarida hajviylikka bo‘lgan yondashuvlar o‘rtasidagi farqlar aniqlanib, tasnifdagi terminologik nomuvofiqlik va mezonlarning bir xil emasligi asosiy muammo sifatida ko‘rsatib beriladi. Maqolada funksional, badiiy va ijtimoiy mezonlar uyg‘unligiga asoslangan yangi tasnif yondashuvi taklif etilib, uning qiyosiy folklorshunoslikdagi metodologik ahamiyati asoslab beriladi. Tadqiqot natijalari hajviy ertaklarni mustaqil va ko‘p qatlamli folklor janri sifatida tizimli o‘rganish uchun nazariy asos bo‘lib xizmat qiladi