Ushbu maqolada tabiiy gaz bilan ta’minlanmagan maktab va maktabgacha ta’lim muassasalarida ichki havo muhitini iqlimlashtirish masalalari muhandislik kommunikatsiyalari tizimi nuqtayi nazaridan tahlil qilinadi. Asosiy e’tibor qayta tiklanuvchi energiya manbasi hisoblangan quyosh energiyasidan foydalanishga qaratilgan. Quyosh panellari va gelioenergetik qurilmalarni isitish, shamollatish va sovitish tizimlariga integratsiyalash imkoniyatlari ko‘rib chiqilib, ularning qurilishi va montaji jihatlari yoritiladi. Tadqiqot natijalari gaz yetib bormagan hududlarda ta’lim muassasalarining energiya mustaqilligini oshirish hamda ekologik xavfsiz ichki havo muhitini ta’minlash mumkinligini ko‘rsatadi.