Mazkur maqolada O‘zbekistonning Jizzax viloyati G‘allaorol tumani lalmikor yerlarining tabiiy-iqlimiy sharoitlari, tuproq qoplami, unumdorlik holati va degradatsiya jarayonlari tahlil qilingan. Hududning keskin kontinental iqlimi, yog‘ingarchilikning mavsumiy va notekis taqsimlanishi lalmikor dehqonchilikning rivojlanishiga bevosita ta’sir ko‘rsatishi yoritilgan. Tuproqning suv-fizik xossalari, zichlashuvi, gumus miqdorining kamayishi, eroziya jarayonlari hamda noto‘g‘ri agrotexnik tadbirlar oqibatida yuzaga kelayotgan muammolar ilmiy manbalar va stasionar tajribalar asosida baholangan. Shuningdek, tuproq unumdorligini saqlash va hosildorlikni oshirishga qaratilgan samarali agrotexnologik tadbirlarning ahamiyati asoslab berilgan