Ushbu maqolada raqamli tasvirlardagi shovqinlarni samarali bartaraf etish va tasvir sifatini oshirishga qaratilgan dastlabki ishlov berish algoritmlari tadqiq etilgan. Tadqiqot davomida chiziqli va nochiziqli filtrlash usullarining ishlash tamoyillari qiyosiy tahlil qilindi. Tajriba natijalariga ko‘ra, Gauss filtri oq shovqinni silliqlashda, Median filtri esa impulsli shovqinlarni yo‘qotishda yuqori samaradorlik ko‘rsatdi. Tahlillar asosida Python dasturlash tili va OpenCV kutubxonasi yordamida tasvirlarni filtrlash imkonini beruvchi dasturiy majmua ishlab chiqildi.