Maqolada murakkab tarkibli oltin saqlovchi sulfidli rudalarni kuydirish jarayonida sodir bo‘ladigan asosiy fizik-kimyoviy o‘zgarishlar tizimli ravishda tahlil qilingan. Tadqiqotlarda termik ishlov berish natijasida sulfid minerallarining kristall panjarasi buzilishi, oltingugurtning SO₂ va boshqa gazsimon birikmalar holatida ajralib chiqishi hamda oltinning sulfid va alyumosilikat matritsadan ochilishi mexanizmlari yoritib berilgan. Kuydirish jarayonining termodinamik shartlari, harorat ta’sirida yuz beradigan fazaviy o‘zgarishlar, oraliq oksid va sulfat birikmalarning hosil bo‘lishi hamda yakuniy mahsulotlarning tarkibi va xossalari muhokama qilingan. Olingan natijalar oltin ajratib olish samaradorligini oshirish va keyingi gidrometallurgik jarayonlarni optimallashtirish uchun ilmiy-amaliy asos bo‘lib xizmat qiladi