Mazkur maqolada musiqa terapiyasining inson organizmiga hujayra va to‘qima darajasidagi ta’siri gistologik va fiziologik jihatdan tahlil qilinadi. Tadqiqotning nazariy asosi sifatida Abu Ali Ibn Sinoning “Tib qonunlari” va “Kitob ash-shifo” asarlarida bayon etilgan musiqa va tovushning terapevtik ahamiyati haqidagi qarashlari o‘rganildi. Zamonaviy PubMed va Scopus bazalarida indekslangan ilmiy tadqiqotlar asosida musiqa terapiyasining markaziy nerv tizimi, neyroplastiklik, stress gormonlari va immun tizim hujayralariga ta’siri yoritildi. Tadqiqot natijalari Ibn Sino qarashlarining zamonaviy gistologik tadqiqotlar bilan uyg‘unligini ko‘rsatib, musiqa terapiyasini klinik amaliyotga joriy etish imkoniyatlarini asoslab beradi.