Mazkur maqolada Sharq mutafakkirlarining oilaga oid qarashlari hamda Markaziy Osiyo xalqlari hayotida ko‘p avlodli oila shaklining tarixiy shakllanishi va psixologik mohiyati tahlil qilinadi. Oila masalasiga falsafiy, diniy va madaniy yondashuvlarning uyg‘unligi o‘z ifodasini topgan bo‘lib, bunda tarbiya, mehr-oqibat, birdamlik va avlodlararo hurmat kabi qadriyatlarning inson ruhiyatidagi o‘rni yoritilgan bo’lib, oilaning ijtimoiy institut sifatidagi tarixiy evolyutsiyasi, uning jamiyat barqarorligi va shaxs shakllanishiga ko‘rsatgan ta’siri o‘rganiladi. Shuningdek, oila tuzilishi va avlodlararo munosabatlardagi o‘zgarishlar turli davrlarda yuz bergan ijtimoiy-siyosiy omillar bilan bog‘lab tahlil qilingan.Maqolada ilgari surilgan g‘oyalar oilani faqatgina iqtisodiy va huquqiy birlik emas, balki inson psixologik ehtiyojlarini qondiruvchi hamda shaxsiy rivojlanishning muhim omili sifatida talqin qilishga xizmat qiladi.