Ushbu maqolada oila psixologiyasi doirasida gender stereotiplarining shakllanishi, ularning farzand tarbiyasiga va yosh avlodning ijtimoiy ongiga ta'siri o‘rganiladi. Axborot hurujlari (ommaviy axborot vositalari, ijtimoiy tarmoqlar orqali tarqaladigan radikal g‘oyalar, axloqsiz kontent) sharoitida ma'naviy-axloqiy immunitetni shakllantirishda oilaning o‘rni tahlil qilinadi. Tadqiqot natijalari shuni ko‘rsatadiki, oilada gender tenglikka asoslangan demokratik tarbiya uslubi bolalarda tanqidiy fikrlash, empatiya va axborotni tanlab qabul qilish ko‘nikmalarini rivojlantirib, axborot xurujlariga qarshi psixologik chidamlilikni oshiradi. An’anaviy gender stereotiplari (erkak – kuchli boquvchi, ayol – uy bekasi) esa bolalarda o‘ziga ishonchsizlik va ijtimoiy moslashuv qiyinchiliklarini keltirib chiqarishi mumkin. Maqola O‘zbekiston oilalarida gender stereotiplarining salbiy ta'sirini kamaytirish bo‘yicha takliflar beradi.