Mazkur maqolada raqamli muhit sharoitida altruistik kompetensiyalarni shakllantirishning psixologik omillari tahlil qilinadi. Hozirgi kunda raqamli texnologiyalar insonlar o‘rtasidagi ijtimoiy munosabatlar, muloqot shakllari hamda qadriyatlarning shakllanishiga sezilarli ta’sir ko‘rsatmoqda. Shu sababli yoshlarning raqamli makonda ham ijtimoiy mas’uliyatli, hamdard va boshqalarga yordam berishga tayyor shaxs sifatida shakllanishi muhim masalalardan biri hisoblanadi. Shuningdek, empatiya, ijtimoiy identifikatsiya, motivatsiya va kommunikativ ko‘nikmalar altruistik kompetensiyalarni rivojlantirishda muhim omillar sifatida tahlil qilinadi.