Mazkur maqolada kichik biznes subyektlari faoliyati samaradorligini baholash masalalari tadqiq etilgan. Tadqiqotda kichik biznes samaradorligini aniqlashda qo‘llaniladigan an’anaviy ko‘rsatkichlarning cheklangan jihatlari asoslab berilgan hamda ularni bartaraf etishda umumiy (integral) indeks yondashuvidan foydalanish zarurati yoritilgan. Umumiy indeks asosida baholash kichik biznes faoliyatini ko‘p omilli va kompleks tahlil qilish imkonini berishi, shuningdek, hududiy iqtisodiy rivojlanish darajasini aniqlashda muhim ahamiyat kasb etishi ilmiy jihatdan asoslangan. Tadqiqot natijalari kichik biznes samaradorligini oshirish bo‘yicha amaliy tavsiyalar ishlab chiqishda metodologik asos bo‘lib xizmat qilishi mumkin.