Ushbu maqolada zamonaviy ta’lim paradigmasida geymifikatsiya fenomeni ilmiy-pedagogik nuqtai nazardan tahlil qilinadi. Geymifikatsiyaning shakllanish tarixi, uning ta’lim jarayonidagi dolzarbligi, motivatsion va kognitiv ta’siri, shuningdek, didaktik imkoniyatlari yoritib beriladi. Maqolada geymifikatsiya faqat o‘yin o‘ynash emas, balki o‘quv maqsadiga xizmat qiluvchi tizimli pedagogik texnologiya ekani asoslanadi [1]. Shu bilan birga, uni joriy etishda uchraydigan cheklovlar, jumladan, tashqi rag‘batga ortiqcha suyanish, infratuzilma muammolari, o‘qituvchining raqamli kompetensiyasi va baholash tizimi bilan bog‘liq masalalar ham ko‘rib chiqiladi [2]. Xulosa sifatida geymifikatsiyani ta’lim samaradorligini oshiruvchi, talabaning faol ishtirokini ta’minlovchi va shaxsga yo‘naltirilgan ta’limni kuchaytiruvchi vosita sifatida qo‘llash zarurligi ta’kidlanadi.