Sun’iy intellekt texnologiyalaridan ta’lim jarayonida foydalanishning dolzarb jihatlari, mavjud muammolari hamda ularni bartaraf etish yo‘llari tahlil qilinadi. Xususan, sun’iy intellektning o‘quv jarayonini individuallashtirish, ta’lim sifatini oshirish, o‘qituvchi va talaba faoliyatini qo‘llab-quvvatlashdagi ahamiyati yoritiladi. Shu bilan birga, ushbu texnologiyalarni amaliyotga joriy etishda uchraydigan metodik, texnik, axloqiy va tashkiliy muammolar ko‘rib chiqiladi. Jumladan, raqamli tengsizlik, ma’lumotlar xavfsizligi, akademik halollikning buzilishi, o‘qituvchilarning raqamli kompetensiyasi yetarli emasligi kabi masalalarga alohida e’tibor qaratiladi. Tadqiqot natijasida sun’iy intellektdan samarali foydalanish uchun pedagoglarni tayyorlash, raqamli infratuzilmani rivojlantirish, huquqiy-me’yoriy asoslarni takomillashtirish hamda ta’lim jarayonida inson omilining ustuvorligini saqlash zarurligi asoslab beriladi.