Mazkur maqolada raqamli ta’lim muhitida interaktiv metodlardan foydalanishning pedagogik samaradorligi tahlil qilinadi. Unda zamonaviy ta’lim jarayonida elektron testlar, onlayn muhokamalar, virtual laboratoriyalar, simulyatsiyalar va o‘yin texnologiyalaridan foydalanish o‘quvchilarning bilish faoliyatini faollashtirishi, mustaqil fikrlashini rivojlantirishi hamda ta’lim motivatsiyasini oshirishi yoritilgan. Shuningdek, interaktiv metodlar yordamida o‘quvchilarning tahliliy fikrlash, muammolarni hal qilish, muloqot va hamkorlik ko‘nikmalarini rivojlantirish imkoniyatlari asoslab berilgan.