GLOBALLASHUV SHAROITIDA RAHBAR KADRLARNING EMOTSIONAL INTELLEKTINI RIVOJLANTIRISH VA PSIXIK SALOMATLIK BOG'LIQLIGI

Globallashuv jarayonlari zamonaviy boshqaruv tizimida rahbar kadrlar zimmasiga yangi va murakkab vazifalarni yuklamoqda. Bunday sharoitda rahbarlarning nafaqat professional bilim va ko‘nikmalari, balki ularning emotsional intellekti ham muhim ahamiyat kasb etadi. Emotsional intellekt rahbarning o‘z hissiyotlarini anglash, ularni boshqarish, boshqalar hissiyotlarini to‘g‘ri idrok etish va samarali ijtimoiy munosabatlarni shakllantirish qobiliyatini ifodalaydi. Globallashuv sharoitida rahbar kadrlarning emotsional intellektini rivojlantirish jarayoni hamda uning psixik salomatlik bilan o‘zaro bog‘liqligi ilmiy-nazariy jihatdan tahlil qilinadi. Shuningdek, rahbarlarning emotsional barqarorligi, stressga chidamliligi va sog‘lom psixologik muhitni shakllantirishdagi roli yoritiladi.