Mazkur maqolada bo‘lajak jismoniy tarbiya o‘qituvchilarining kasbiy-pedagogik tayyorgarligini takomillashtirishning konseptual modeli ilmiy asosda ishlab chiqilgan va tahlil qilingan. Model to‘rt komponent – nazariy-metodologik asos, metodik-texnologik kompetensiya, amaliy-tajribaviy tayyorgarlik hamda reflektiv-rivojlanish komponentlaridan iborat bo‘lib, ular o‘zaro integratsiyalashgan holda yagona tizimni tashkil etadi. Tadqiqotda metodik kompetensiyaning markaziy o‘rni, zamonaviy pedagogik texnologiyalarning jismoniy tarbiya ta’limidagi ahamiyati hamda estetik tarbiyaning integrativ roli asoslab berilgan. Shuningdek, bo‘lajak o‘qituvchilarning kasbiy kompetentligini rivojlantirishda refleksiya va amaliy tajribaning ahamiyati yoritilgan.