Mazkur maqolada jismoniy tarbiya ta’limida mobil texnologiyalar asosida raqamli pedagogik muhitni shakllantirishning nazariy va amaliy jihatlari tahlil qilingan. Axborot-kommunikatsiya texnologiyalarining jadal rivoji ta’lim jarayonida yangi pedagogik yondashuvlarni talab etayotgani ta’kidlanadi. Shu asosda mobil ilovalar jismoniy tarbiya fanini o‘qitishda muhim innovatsion vosita sifatida ko‘rib chiqilgan. Tadqiqotda mobil learning konsepsiysi doirasida o‘quv jarayonini tashkil etish imkoniyatlari va uni optimallashtirishning metodik asoslari yoritilgan. Shuningdek, muallif tomonidan yaratilgan PJT (Professional Jismoniy Tarbiya) mobil ilovasining pedagogik imkoniyatlari tahlil qilingan. Natijalar mobil texnologiyalar ta’lim samaradorligini oshirish, talabalar motivatsiyasini kuchaytirish va jismoniy rivojlanishni monitoring qilishda samarali ekanini ko‘rsatadi.