Tabiat va jamiyat o‘rtasidagi muvozanatning keskinlashuvi oliy ta’lim tizimi oldiga talabalarda ekologik tafakkurni rivojlantirish vazifasini qo‘ymoqda. Mazkur tadqiqot "Umumiy pedagogika" fani misolida talabalarda ekologik madaniyatni shakllantirishning samarali didaktik imkoniyatlarini aniqlashga qaratilgan. Tadqiqot jarayonida ekologik mazmundagi keys-stadi, muammoli vaziyatlar va loyiha ta’limi (PBL) kabi interfaol metodlar sinovdan o‘tkazildi. Natijalar pedagogika fanining nazariy mavzularini global va mahalliy ekologik muammolar bilan integratsiya qilish talabalarning ekologik tafakkuri hamda amaliy ko‘nikmalarini rivojlantirishga ijobiy ta’sir ko‘rsatishini ko‘rsatdi. Tadqiqot asosida pedagogik ta’lim yo‘nalishlarida ekologik kompetensiyalarni shakllantirish bo‘yicha amaliy tavsiyalar ishlab chiqildi.