Mazkur maqolada zamonaviy ta’lim tizimida raqamli texnologiyalarni joriy etish jarayonida yuzaga kelayotgan ta’lim sifati muammolari hamda ularning didaktik asoslari tahlil qilinadi. Oliy ta’lim muassasalarida raqamli ta’lim muhitini shakllantirish, o‘quv jarayonida axborot-kommunikatsiya texnologiyalaridan samarali foydalanish hamda ta’lim sifatini oshirishning pedagogik imkoniyatlari yoritilgan. Shuningdek, raqamli texnologiyalarni ta’lim jarayoniga integratsiya qilishda didaktik tamoyillar, metodlar va vositalarning ahamiyati asoslab beriladi. Tadqiqot natijasida raqamli texnologiyalarni samarali qo‘llash ta’lim jarayonining interfaolligi, talabalarning mustaqil ta’lim faoliyati va o‘quv motivatsiyasini oshirishga xizmat qilishi aniqlangan.