Mazkur maqolada diniy ma’ruzalar nutqining grammatik hamda uslubiy xususiyatlari tahlil qilinadi. Tadqiqotda diniy diskurs tarkibida shakllanadigan ma’ruza matnlarining sintaktik tuzilishi, leksik-semantik xususiyatlari, grammatik vositalarning qo‘llanishi hamda uslubiy ifoda imkoniyatlari ilmiy jihatdan yoritiladi. Shuningdek, diniy ma’ruzalarda ritorik vositalar, ta’sirchanlikni kuchaytiruvchi nutq birliklari, takror, undov va murojaat shakllarining kommunikativ vazifalari tahlil qilinadi. Tadqiqot natijalari diniy nutqiy janrlarning lingvistik tabiatini aniqlash hamda diniy diskursning funksional-uslubiy xususiyatlarini yoritishda muhim ilmiy ahamiyatga ega.