Ushbu maqolada ta’lim jarayonida sun’iy intellekt (SI) texnologiyalaridan foydalanishning pedagogik jihatlari o‘rganilgan. Zamonaviy ta’limda SI texnologiyalari o‘quvchilarning bilim darajasini aniqlash, individual yondashuvni ta’minlash, baholash tizimini avtomatlashtirish hamda o‘qituvchi faoliyatini yengillashtirishda muhim rol o‘ynaydi. Tadqiqotlar (Zawacki-Richter, 2019; Salas-Pilco, 2022) shuni ko‘rsatadiki, SI texnologiyalari o‘quv jarayonining samaradorligini oshiradi, talabalarni faol o‘qishga undaydi va o‘zlashtirishni yaxshilaydi. Shu bilan birga, etik masalalar, ma’lumot xavfsizligi va o‘qituvchilarning raqamli savodxonligini oshirish zarurligi ham ta’kidlanadi.