Mazkur ilmiy maqolada zamonaviy pedagogning kasbiy va shaxsiy imidji, uning ta’lim jarayonidagi o‘rni va ahamiyati yoritiladi. Zamonaviy pedagog nafaqat chuqur bilim va metodik mahoratga ega bo‘lishi, balki yuksak madaniyat, kommunikativ kompetensiya, axborot texnologiyalaridan samarali foydalanish ko‘nikmalariga ham ega bo‘lishi lozimligi asoslab beriladi. Shuningdek, pedagogning tashqi ko‘rinishi, nutq madaniyati, muomala uslubi, innovatsion yondashuvi hamda ijtimoiy faolligi uning ijobiy imijini shakllantiruvchi asosiy omillar sifatida tahlil qilinadi. Mavzuda zamonaviy ta’lim muhitida pedagog imijining o‘quvchilar, ota-onalar va jamiyat oldidagi nufuzi hamda ishonchni mustahkamlashdagi roli ochib beriladi.