Mazkur maqolada yoshlarning raqamli makon haqidagi ijtimoiy tasavvurlari shakllanishining psixologik omillari tahlil qilinadi. Raqamli texnologiyalar sharoitida shaxsning axborot muhiti bilan o‘zaro ta’siri, ijtimoiy identifikatsiya, kommunikativ faoliyat va kognitiv jarayonlarning o‘zgarishi ilmiy jihatdan asoslab beriladi. Shuningdek, yoshlarning raqamli muhitga moslashuvi jarayonida ijtimoiy tasavvurlarni shakllantiruvchi omillar — oila, ta’lim muassasalari, media va ijtimoiy tarmoqlarning ta’siri o‘rganiladi. Tadqiqot natijalariga asoslanib yoshlarning raqamli madaniyatini rivojlantirish bo‘yicha tavsiyalar ishlab chiqilgan.