Globallashuv davrida talabalarning ruhiy salomatligi masalasi dolzarb muammolardan biriga aylandi. Texnologiyaning jadal rivojlanishi, ijtimoiy tarmoqlarning ta’siri, o‘quv jarayonidagi raqobat va ma’naviy bosim talabalarda ruhiy zo‘riqish, tashvish va hissiy beqarorlikni kuchaytirmoqda. Ushbu maqolada globallashuv sharoitida talabalarning ruhiy salomatligiga ta’sir etuvchi omillar tahlil qilinib, ularning oqibatlari va oldini olish bo‘yicha samarali yechimlar taklif etilgan. Ruhiy salomatlikni mustahkamlashda psixologik ta’lim, emotsional intellektni rivojlantirish, universitetlarda maslahat markazlarini tashkil etish muhim ahamiyat kasb etadi. Tadqiqot natijalari shuni ko‘rsatadiki, ruhiy barqarorlik – talabalarning shaxsiy va akademik muvaffaqiyatining eng muhim omillaridan biridir.