Ushbu tezisda oliy ta’lim muassasalarida talabalarning ingliz tilida o‘qish va yozish ko‘nikmalarini rivojlantirishda differensial yondashuvni sun’iy intellekt (AI) va raqamli ta’lim texnologiyalari bilan integratsiya qilish masalalari yoritiladi. Differensial yondashuv talabalarning individual ehtiyojlari, bilim darajasi va o‘rganish uslublarini hisobga olgan holda ta’lim jarayonini tashkil etishga imkon beradi. Tadqiqotda faqat metod emas, balki motivatsion va shaxsga yo‘naltirilgan pedagogik yondashuv muhimligi asoslanadi. AI asosidagi raqamli vositalar individual fikr-mulohaza berish, moslashuvchan o‘quv yo‘nalishlarini yaratish va mustaqil ta’limni rivojlantirishga xizmat qiladi. Natijalar differensial yondashuv va AI integratsiyasi talabalarning o‘qish va yozish kompetensiyasini, ishonchini hamda ta’lim jarayonidagi faolligini oshirishini ko‘rsatadi.